İngiltərənin "Mançester Yunayted" klubu İtaliya təmsilçisi "İnter"in futbolçusu Karlos Auqusto ilə maraqlanır.

Tvit.az Britaniya mətbuatına istinadən xəbər verir ki, Milan təmsilçisi 27 yaşlı müdafiəçinin komandadan ayrılmasının əleyhinə deyil.

Lakin ölkə çempionu oyunçunu 25-30 milyon avroya satmağa hazırdır.

Xatırladaq ki, Karlos Auqusto ötən mövsüm bütün turnirlərdə 46 oyunda 2 qol və 2 məhsuldar ötürmə ilə yadda qalıb. Onun "İnter"lə müqaviləsinin müddəti 2028-ci ilin yayınadək qüvvədədir.