İsrailin müdafiə naziri Kats bəyan edib ki, İranla qarşıdurmada əldə olunmuş nəticələr arxayınlaşmaq üçün əsas olmamalıdır.

Tvit.az bu barədə xarici KİV-ə istinadən xəbər verir.

Müdafiə naziri çıxışı zamanı İslam Respublikasına daxil olan maliyyə axınlarına və onların Yaxın Şərqdəki silahlı qruplaşmaları dəstəkləmək üçün mümkün istifadəsinə xüsusi diqqət çəkib.

Katsın sözlərinə görə, İran hakimiyyəti böyük resursları öz vətəndaşlarının rifahının yaxşılaşdırılmasına deyil, terror fəaliyyətinin maliyyələşdirilməsinə və regiondakı proksi qüvvələr şəbəkəsinin inkişafına yönəltməyə üstünlük verib.

Nazir qeyd edib ki, İran rejiminin sərəncamına daxil olan hər bir dollar potensial olaraq Hizbullah, HƏMAS, husilər və Tehranın uzun illərdir dəstəklədiyi digər qruplaşmaların əlinə keçə bilər. 
Bununla əlaqədar olaraq, o, İrana qarşı iqtisadi və siyasi təzyiqlərin davam etdirilməsinin vacibliyini vurğulayıb.

Elmin Alışov